သူငယ်ချင်း တစ်ယောက်အကြောင်း

ကျွန်တော့်အရင်က လုပ်ငန်းခွင်ထဲမှာ အပေါ်ရုံးက တရုတ်ကလေး တစ်ယောက်
ရှိပါတယ် ။ ရုံး ၂ ခုပေါင်း ၀န်ထမ်း ၁၅ ယောက်လောက်မှာ မြန်မာဆိုလို့ ကျွန်တော်ပဲ
ရှိသလို မလေးတရုတ် ဆိုလို့ လဲ သူပဲရှိပါတယ် ။ ကျွန်တော့်ထက် တစ်နှစ်ကျော်
အသက်ကြီးပြီး အင်မတန် ခင်ဖို့ ကောင်း နားလည်မှုရှိတဲ့ လူတစ်ယောက်လို့ ပြောရမှာပါ ။
သူက မလေးတရုတ်ဖြစ်ပြီး သူ့ မိန်းမကတော့ ပြည်ကြီးတရုတ်မ လေးဖြစ်ပါတယ် ။
သူ့ မိန်းမက စာရင်းကိုင် အလုပ်ကို လုပ်ပြီး ဘ၀ကို အေးချမ်းစွာ ဖြတ်သန်းနေကြလေရဲ့ ။
Woodlands မှာ အိမ်ဝယ်ထားပြီး နေရာကနေ သူ့ မိန်းမ ဗိုက်ကြီးလာပါ ရော ။ အဲဒါနဲ့ 
သူ့ မိန်းမလည်း အလုပ်ဖိလုပ်ပြီး ပိုက်ဆံရှာ အိုဗာတိုင်တွေလဲ ဆင်း နဲ့ ကလေးမွေးဖို့ 
နောက်နေ့ ဆေးရုံတက်မယ် ဆိုမှပဲ အလုပ်ကနေ နားရပါတော့တယ် ။ အဲ… သားယောကျာ်း
လေး မွေးပြီး နောက် ၁၀ ရက် အတွင်းမှာပဲ မိန်းမက ခွင့်မရလို့ ရုံးပြန်တက်ရပါလေ ရော ။
မတက်ရင်လဲ အလုပ်က ပြုတ်တော့မဲ့သဘော ဖြစ်တာကိုး ။ ဒါနဲ့ ပဲ သူကတဘက် ခွင့်ယူပြီး
ကလေးကို နို့ ဘူးတိုက် ရလေရဲ့ ။ မကြာပါဘူး နောက် ၂ပတ် လဲပြည့်ရော ခွင့်လဲကုန်ရော ။
တတ်နိုင်ပါဘူး သူ့ မိန်းမရဲ့  အဖေအမေကို ပြည်မကနေ လေယာဉ်လက်မှတ်ပို့ ပြီး ခေါ်ရပါ
လေရော ။ ပြီးတော့ ရောက်လာတာနဲ့ အင်မီဂရေးရှင်းမှာ long term social visit တွေ
လျှောက်ပေးရ ၊ အဖိုးကြီး အဖွားကြီးဆေးစစ်ရ ၊ ပြီးတော့ ကလေး ကိုလဲ PR ပြန်လျှောက်
ရ ၊ ကာကွယ်ဆေးတွေ ထိုးရ နဲ့ သူတို့ လင်မယား စုထားတဲ့ ပိုက်ဆံလေးတွေ ပြောင်ပါလေ
ရော လား ။ ဒါတောင် သူ့ CPF ထဲက ကလေးမွေးစရိတ် နှုတ်သွားပေလို့ ။

အဲဒါနဲ့ ပဲ လင်မယား ၂ ယောက် ကလေးကို အဖိုးအဖွား နဲ့ ထားပြီး အလုပ်ပြန်လုပ်ကြရ
ရှာတယ် ။ မကြာပါဘူး ၂ လလောက်ရတော့ ယောကခမ အဖွားကြီးက စင်ကာပူမှာ
နေသားမကျတော့ အပူနာ တွေပေါက် (ပြည်မက အေးတယ်လေ) ၊ အဲဒါနဲ့ ပဲ ဆေးကု
တာနဲ့ ကုန်သွားသေးတယ် ။ ၄ လပြည့်တော့ အဖိုးကြီး အဖွားကြီးလဲ SG မှာ မပျော်တော့ဘူး
… ကိုင်း ဘာလုပ်ကြမလဲ ။ အဖိုးကြီး အဖွားကြီး ပြန်ရင် ကလေးကို ဘယ်သူကြည့်မလဲ
ဘယ်သူ အလုပ်ထွက်မှာလဲ ဘယ်သူမှ မထွက်နိုင်ဘူးလေ အိမ်က၀ယ်ထားမိပြီ စားစရိတ်က
မကုန်ပေမဲ့ ဆေးကုရတာ ဘာညာ taxi ခ က ကြာတော့ထိလာပြီ ။ နောက်ဆုံးတော့
ကလေးကို အဖိုးအဖွားနဲ့ တရုတ်ပြည်မကို ထဲ့လိုက်ရလေ သတည်းပေါ့ ။

ထည့်လိုက်ပြီး တစ်ပတ်လောက်မှာ ဘာမှ မဖြစ်သေးပေမဲ့ တလလောက်ကြာတော့ အမြဲလို
ပျော်ပျော်ပါးပါး ဟေးဟား နေတတ်တဲ့ သူဟာ တွေဝေမှိုင် လာပါတော့တယ် ။ မေးလိုက်ရင်
လည်း ငါ့သားလေးကို သတိရလို့ ပါကွာ လို့ ဖြေရုံမှအပ တခြား မရှိနိုင်ပါဘူး ။ တခါသား
တော့ တနင်္ဂနွေ ဂျူတီကျချိန်မှာ တစ်ယောက်တည်း ကျိတ်ငိုနေတာ ကို တွေ့ မိပါတယ် ။
ကျွန်တော့် ရင်ထဲမှာ အတော့်ကို မကောင်းဖြစ်သွားခဲ့ရတာပါ ။ သူငယ်ချင်းရယ် မင်းတို့ ခုချိန်
ပိုက်ဆံစုနေ တာ နောင်တချိန် မင်းကလေး ကောင်းစားဖို့ ပဲ မဟုတ်လား လို့ ချော့ရပါတယ် ။
သူကတော့ စင်ကာပူ က ပျော်စရာမကောင်းတော့ကြောင်း ၊အမြဲအလုပ် ဆိုတာကိုပဲ စဉ်းစား
နေရကြောင်း ၊ ဒီထက်ပိုပြီး ပိုက်ဆံရှာဖို့ ဆိုတာလည်း မဖြစ်နိုင်တော့ကြောင်း ၊ ဘယ်အချိန်မှ
မန်နေဂျာ ဖြစ်မယ် မှန်း မသိကြောင်း ၊ ဖြစ်ရင်လဲ တလ ၅ ထောင် ရပေမဲ့ မိသားစု အတွက်
ထည့်စဉ်းစားလို့  ရမှာ မဟုတ်ကြောင်း ၊ တတ်နိုင်ရင် အိမ်ပြန်ရောင်းပြီး မလေးမှာ ဖြစ်ဖြစ် ၊
ပြည်မမှာ ဖြစ်ဖြစ် စီးပွားရေးတခု လုပ်ချင်ကြောင်း တို့ ကို ပြောပြသွားပါတယ် ။

အဲလိုနဲ့  ကျွန်တော်လဲ အလုပ်ကထွက်ပြီး ရန်ကုန်ပြန်တာနဲ့ ဘာနဲ့ ညာနဲ့  ဆိုတော့ သူနဲ့ 
မတွေ့ ဖြစ်တော့ပါဘူး ။ ခုဆို သူနဲ့ မတွေ့ တာ ၁၆ လလောက်ရှိပါပြီ ။ သူ့ သားလေးတောင်
ဘာလိုလိုနဲ့ ခုဆို ၂ နှစ်ကျော် ရှိနေပါပြီ ၂၀၀၇ ဇွန်လမှာ မွေးတာဆိုတော့ ။ ပြည်မမှာပဲလား
စင်ကာပူကို ပြန်ခေါ် ထားပြီလား ဆိုတာတော့ မသိရသေးပါ ။ ဘာပဲပြောပြော ဘ၀
တကွေ့ မှာ ခဏတွေ့ ရပေမဲ့ နားလည်မှု ရှိတဲ့ သူငယ်ချင်း မိသားစု အစစအရာရာ အဆင်ပြေ
ပါစေ လို့  ဆုတောင်းလိုက်ပါတယ် ။သူငယ်ချင်း ဝေါ်လ်တာ စိတ်ချမ်းသာရပါစေဗျာ ။


မှတ်ချက် ။ ဒီစာစုသည် လူမျိုးဘာသာ မတူသော်ငြား ဘ၀အတွက် ရုန်းကန်ရတာချင်း
တူတာကို ပုံဖော်ပြထားခြင်း ဖြစ်ပါသည် ။ ဝေါ်လ်တာတို့ ၊ ကျွန်တော်တို့ အဆင်မပြေသော်
လည်း တခြား သူများအတွက်တော့ အဆင်ပြေချင် ပြေပါလိမ့်မည် ။ လူတဦး နဲ့ တစ်ဦး ၊
ကံချင်း တူနိုင်မည် မဟုတ်ပါ ။ အားလုံးကို လေးစားလျက် ။